Молитва ко Пресвятой Богородице пред Ее иконою «Свято-Крестовская»
О Пресвятая Дево, Мати Христа Бога нашего, Царице небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющимся пречистому и чудотворному образу Твоему. Се бо грехми погружаемии и скорбьми обуреваемии, взирающе на Твой образ, яко живей Тебе сущей с нами, приносим смиренная моления наша. Не имамы бо иныя помощи, ни инаго предстательства, ни утешения, токмо Тебе, о Мати всех скорбящих и обремененных. Помози нам немощным, утоли скорби наша, настави на путь правый нас заблуждающих, уврачуй болезненная сердца наша и спаси безнадежных, даруй нам прочее время жития нашего в мире и покаянии проводити, подаждь христианскую кончину, и на страшнем суде Сына Твоего явися нам милосердая Предстательница, да всегда поем, величаем и славим Тя, яко благую Заступницу рода христианскаго, со всеми угодившими Богу, во веки веков. Аминь.
Тропарь, глас 1
Чрез святую Твою икону, явленную нам на Кавказе Тобою, о Владычице, люди града Святаго Креста от страшнаго агарянскаго нападения чудесно свободила еси, Благая Вратарнице! Пленение, скорбь и узы в радость и свободу пременила еси, Скоропослушнице наша. Молим Тя, Матерь Божия, и на будущее время защищай всех нас, на Кавказе живущих чад Твоих, от нашествия агарянскаго, непрестанно молящеся у Креста Сына Твоего, Всенепорочная.
Кондак, глас 8
Якоже дивным видением многими стоящую Тя на воздусе у Креста Сына Твоего, Богородице, молящуюся о людех града Святаго Креста, в страшней беде сущих, агарянскаго пленения свободила еси, Благая Вратарнице, сице и на будущее время православных людей Кавказа защищай от нападающих на грады и веси наша, от недуга, неверия, глада и вражды избавляй, непрестанно молящеся о нас у Креста Сына Твоего, да зовем Ти: радуйся, Святокрестовская Божия Мати, всего Кавказа защито и ограждение.
Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.
Молитва ко Пресвятой Богородице пред Ее иконою «Свято-Крестовская»
» Свистелка
» Юмор в картинках-2
» Женская энергия и живот
» Как наши предки следили за своей энергией
» В Госдуме рассмотрят законопроект о запрете оккультных услуг.
» Тот, кто нас критикует, отдает нам свою положительную карму и забирает нашу плохую.
» ЧИСТКА. СВЕЧИ С ТРАВАМИ И ИХ ДЕЙСТВИЯ.
» Материнский заговор оберег на солдата
» Ведьмы-одиночки, объединяйтесь!
» Кристаллы и травы Мабона: 22 для ваших ритуалов осеннего равноденствия
» Осенние боги и богини: 14 божеств урожая и загробной жизни
» Магия тыквы: 12 способов использовать тыкву в своей практике
» Благословения, символы и заклинания Мабона для Зачарованного равноденствия
» 55 ВЕСЕЛЫХ языческих занятий осенью Плюс мощные ритуалы
» Как провести Ритуал благодарности на Мабон
» Обряды, ритуалы и способы празднования Мабона, Осеннего равноденствия
» Ритуал изобилия на Мабон (осеннее равноденствие)