Какие молитвы читать на Покров

Молитва первая

О, Пресвятая Дево, Мати Господа вышних сил, небесе и земли Царице,
града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть.

Сего ради к Тебе прибегаем, яко к несомненней и скорей Заступнице нашей:
услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости,
дух чистоты и правды.

Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори.

Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Молитва вторая

Царице моя Преблагая, Надеждо моя Пресвятая, приятелище сирым и странным Заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть.

Ты убо сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имам бо иныя помощи, ни инаго предстательства, ни утешения, токмо Тебе, о Мати всех скорбящих и обремененных!

Призри убо на мя, грешнаго и во озлоблении сущаго, и покрый мя пресвятым омофором Твоим,
да избавлен буду от зол, мя обышедших, и восхвалю выну препетое имя Твое. Аминь.

Пресвятая Дево, Мати Божия, Благая Богородица,
Не остави нас Своею вечною и доброю молитвою,
Вознеси над нашими главами и душами, аки Голубица,
Светлую явленную и радость ожидания прими Свою.

Заступися и помилуй, Мати, Христа Бога умоляющая,
Телом и душою показавшая нам людям благочестие,
На пути идущего лукавых и нечистых удаляющая,
Бога ожидающим приносишь Ты радостное известие.

Радуйся, Пренепорочная, и радуйся, Присноблаженная.
Светом Небеси от этой радости души согреваются.
Образа Твои сияют помощью и верою нетленною.
Чудными иконами Твоими разум с телом укрепляются.

Возблагодарим Тя, Дево, радости на сердце исполнение,
В покаянии зовем Тя, Ты душевной скорби победительница.
Вседержавная Царице, всяким человеком наставление.
Христа Бога рождшая и Веры Православной сохранительница.

Пресвятая Дево, Мати Божия, Благая Богородица,
Не остави нас Своею вечною и доброю молитвою.